سامحوني بس القلب مليان..

قُـم لِلمُعَلِّـمِ وَفِّـهِ التَبجـيـلا
كادَ المُعَلِّمُ أَن يَكـونَ رَسـولا
أَعَلِمتَ أَشرَفَ أَو أَجَلَّ مِنَ الَّذي
َبني وَيُنشِئُ أَنفُسـاً وَعُقـولا

لله يامدرسين زماااااااااااااااااااااااااااااان

وربي كنا نشوف المدرس بعد المدرسة
ننحاش عنه عشان مايقول ليش ماتذاكرون !!؟
المدرس له هيبه ,,

اما مدرسين هالوقت

فحدث ولا حرج ...
بعض المدرسين يتبادلون بلوتوث مع الطلاب !!!
وبعضهم يتبادل بلوتوث مع المدرس اللي بالفصل الثاني !!
مدرسين يدخل الفصل يقول للطلاب لا اسمع صوت احد
ويتلطم ويحط راسه على الطاولة وينام !!

مدرس يبدل مع مدرس اخر حصتين عشان يلحق على موعد ساخن !!

وحضرت حفل قبل كم يوم بأحد المدارس وانصدمت
شفت مدرس شعره لنص ظهره !!!

إذا هذا المدرس وشلون بيصيرون الطلاب ؟َ!!!
على كذا معاد نشره على الطلاب ... عرفنا الاسباب

بعض المدرسين كأنهم قضاة وجلاد يحكمون بالضرب
ويقيمون الحد

طالب يتعرض لضرب مبرح من مدرس في متوسطة !!!!!

والبعض يستخدم جواله يصور الطلاب
وكيف يمارس قوته وفرض شخصيته على الاطفال
عشان اذا طلع من المدرسة يوريها اصحابه بالاستراحة !!!

والبعض الاخر

يصور الطلاب وهم يتعلمون ومجتهدين وهو ما أخذهم طقطقة !!
مثل المقطع اللي انتشر ( أمي يا استاذ ... أمي هي التي )

حتى لو المقطع مضحك
بس بالأمانة مو طريقة تدريس هذي ؟
حتى لو ان امه ترد الابل وتزين القهوة
الله يخليها له يارب مايجلس يصورهم ويضحك الناس على طلابه
ماعمر كان التعليم وسيلة للضحك !!

هنا يجي دور المدرس في تحسين طرق التعبير لدى الأطفال
مو يصورهم ويوزع المقطع !!!

بأمانه تعليمنا في الحضيض في السنوات القادمة

ولا القي باللوم كله على المدرس ...
بالعكس .. وزارة التعليم تتحمل نسبة كبيره

هذا دفتر تعبير

طبعا الدفتر كان دفتر تعبير بس تحول لدفتر كشكول
الي يقهر فيه ترم كامل وما أعطاهم الأستاذ الا تعبيريين فقط !!
والمصيبة الأعظم انه ماصحح التعبير اصلا !!
ياخي وش المشكلة لو اعطاهم التعبير على شكل واجب
على الاقل يتعودون في البيوت !!!

هذا التعبير الاول // عن رمضان وفضله

طبعاً الاملاء حدث ولا حرج

اما التعبير الثاني
كان عن العيد وفرحته

والله اذكر ان هذا التعبييريين سبق وسوينا مثلها ايام المتوسطة مدري الابتدائي
والظاهر يتكرر بكل المراحل !!

وهذه ورقة تم تصحيحها من قبل مدرس دايخ
لا ... وكاتب احسنت

يعني ماعندهم تفكير هالمدرسين معقول
ليش مايجبر الطلاب يعبرون عن التقنيات الحديثة ...
التطور العمراني ... التطور الاقتصادي
خلي الطالب يبحث ان شاءالله ينقل لك مقال من الجريدة
بس تحثه على التعود والبحث والقراءة !!

انا مو ضد المدرسين ...خاصة المخلصين واصحاب الضمير
الذين لا يسلمون من الإعتداء

طلاب ثانوية يحتجزون اساتذتهم ويضربونهم يوم توزيع الشهادات
ويحطمون سياراتهم .. لا حول ولا قوة الا بالله

بس بعضهم هداهم الله يبطون الكبد ... ويفقعون المرارة

المدرس دعامة من دعامات المجتمع ... مربي اجيال

رسول للمعرفة ... مبلّغ لنور العلم...

اول كنا نقول للمدرس لك اللحم ولنا العظم من كثر الثقة

والحين عسانا نسلم على ولدنا ...

سامحوني يامدرسين ويامدرسات ..بس القلب مليان